Këtu jemi në Gjinar të Elbasanit, prej vitesh aty asgjë nuk ka ndryshuar edhe pse Gjinari është pjesë e programit të 100 fshatrave. Progami i 100 fshatrave, u prezantua në shkurt të 2018 nga qeveria, edhe pse kanë kaluar 4 vite që prej asaj ditë, programi i rilindjes rurale akoma nuk ka prekur të gjithë fshtrat e premtuar. KLSH në raportin e tij për periudhën janar-shtator të këtij viti thuhet se programi 100 fshtrat nuk është zbërthyer ne plane vjetore pune, për pasojë edhe efektet e këtij programi mbetën të panjohura, sepse deri më tani nuk ka një raport vlerësues të asaj që është arritur dhe ndikimit që ky projekt ka dhënë në zonat ky ka shkuar mbështetja buxhetore. Por puna e 4 ministrive që duhet të sillte rilindjen e zonave rurale, në vend të zhvillimit erdhi braktisja e fshatrave.