Një objekt i paidentifikuar është rrëzuar mbi hapësirën ajrore të Amerikës në Veriut, ka konfirmuar kryeministri i Kanadasë, Xhastin Trudo. Ai tha se objekti i ri ka “shkelur hapësirën ajrore kanadeze” dhe u rrëzua në veriperëndim të vendit. Dy avionë kanadezë dhe amerikanë u përpoqën që ta gjurmonin objektin dhe sipas Trudo, ai u rrëzua nga një avion luftarak amerikan i llojit F-22. objekti në formë cilindrike u rrëzua rreth 160 kilometra nga kufiri me SHBA-në, duke shtuar se ai paraqiste “një kërcënim për aviacionin civil. Forcat kanadeze tani do të marrin mbetjet e objektit dhe do t’i analizojnë ato. Ky është objekti i tretë që rrëzohet në Amerikën e Veriut në javën e fundit. Ushtria amerikane fundjavën e kaluar shkatërroi një balonë kineze dhe të premten rrëzoi një objekt të paspecifikuar – në madhësinë e një makine të vogël – mbi Alaskë.