Kina i ka kërkuar SHBA-së të lirojë menjëherë liderin venezueljan Nicolas Maduron me pretendimin se operacioni ushtarak amerikan për kapjen e tij shkeli ligjin ndërkombëtar”. Ne deklaratën e ministrisë së jashtme kineze nënvizohet se Pekini “ka ruajtur gjithmonë një komunikim dhe bashkëpunim pozitiv me qeverinë venezueliane”. Në fakt, nga sa kujton Sky Neës, vetëm disa orë përpara kapjes, Maduro kishte qenë duke pritur një delegacion kinez në Karakas të udhëhequr nga përfaqësuesi special i Kinës për çështjet e Amerikës Latine, Qiu Xiaoqi. Pamjet filmike i tregonin ata duke buzëqeshur, të pavetëdijshëm për atë që do të ndodhte më pas. Sky Neës kujton se kohët e fundit, Kina, ekonomia e dytë më e madhe në botë, i kishte siguruar Venezuelës, aleate të saj një ndihmë të përshkruar si shpëtim ekonomik” pas sanksioneve të vendosura nga SHBA-ja dhe aleatët e saj në 2017-tën. Ajo bleu mallra me vlerë pothuajse 1.4 miliard euro në vitin 2024. Sipas deklaratës së ministrisë së saj të jashtme, Kina konsideron se sjellja e SHBA-së përbën një shkelje serioze të së drejtës ndërkombëtare, cenon sovranitetin e Venezuelës dhe kërcënon paqen dhe sigurinë në Amerikën Latine dhe Karaibe. Ndërkohë, si kjo ministri ashtu edhe Ambasada kineze në Venezuelë u kanë bërë thirrje shtetasve kinezë të mos udhëtojnë drejt vendit, duke përmendur si arsye përkeqësimin e kushteve të sigurisë.