Portugalia dhe Ukraina nënshkruan sot një marrëveshje për prodhimin e përbashkët të dronëve nënujorë dhe mbajtjen e një forumi ekonomik midis dy vendeve, njoftoi kryeministri portugez. Luís Montenegro po fliste në konferencën e përbashkët për shtyp me presidentin e Ukrainës VOlodomyr Zelensky, si pjesë e vizitës së tij të parë në Kiev si kryeministër. "Portugalia dhe Ukraina kanë, për sa i përket automjeteve pa pilot, një njohuri që tani është në ballë të botës", theksoi ai. Kryeministri njoftoi disponueshmërinë për të prodhuar në Portugali "dronë me teknologji dhe njohuri shkencore ukrainase", si dhe disponueshmërinë e vendit për të sjellë përvojë dhe njohuri shkencore në "kapacitetin e tij prodhues për Ukrainën". "Ky është me të vërtetë objektivi i marrëveshjes që kemi arritur", tha ai nder te tjera. Montenegro tha gjithashtu se Portugalia dhe Ukraina duan që ky takim të jetë "një pikë kthese" në marrëdhëniet ekonomike midis dy vendeve, duke njoftuar mbajtjen e një forumi ekonomik dypalësh vitin e ardhshëm.