Autoritetet belge kanë arrestuar eurodeputetin Marc Tarabella, në lidhje me skandalin e korrupsionit në Katargate. Tarabella, i cili gjithmonë ka thënë se ishte i jashtëm për faktet e diskutueshme, tashmë ishte përjashtuar nga grupi Parlamentar ku bënte pjesë në parlamentin Evropian. Më 2 shkurt, seanca plenare e Eurodhomës votoi për heqjen e imunitetit të tij parlamentar. Tarabella u dëgjua mëngjesin e të premtes në Bruksel nga gjyqtari, në kuadër të hetimit për korrupsion që synojnë të ndikojnë në proceset vendimmarrëse të BE-së. Si pjesë e hetimit të Katargate, zyra e prokurorisë federale belge kreu "disa kontrolle" në Belgjikë. Në veçanti, një kasafortë që i përkiste eurodeputetit Marc Tarabella u kontrollua llogaria në një bankë në Liège. U kontrolluan gjithashtu disa zyra të bashkisë së Anthisnes. Sipas deklaratave të bëra në procesverbal nga Pier Antonio Panzeri, politikani belg me origjinë italiane kishte marrë nga 120 deri në 140 mijë euro për të zbutur qëndrimet e tij në lidhje me Katarin, akuzë që Tarabella e ka mohuar. Ndërkohë eurodeputeti tjeter Andrea Cozzolino, që besohet të jetë i përfshirë në të ashtuquajturën Katargate, do të dërgohet në burg. gjatë orëve të mbrëmjes prokuroria e Napolit ka dhenë urdhër arresti, por eurodeputeti ndodhet i shtruar në një klinikë për shkak të problemeve shëndetësore.