Dy persona janë vënë në pranga dhe një tjetër është shpallur në kërkim pasi pas muajsh hetime policia e tiranës zbuloi se ata tregëtonin armë zjarri. Në pranga ra 29 vjeçari Bledar Jella dhe 60 vjeçari Xhemal Sheh. Blutë sekuestruan 2 armë zjarri pistoleta dhe municion luftarak, që dyshohet se do të shiteshin në Tiranë. Nga hetimet dyshohet se këta 3 personat e identifikuar ishin pjesëtarë të një grupi që shiste armë zjarri në Tiranë. Vijojnë hetimet, në drejtimin e Prokurorisë, për dokumentimin e plotë të veprimtarisë kriminale të tyre identifikimin dhe kapjen e shtetasve të tjerë të përfshirë në grup. Mesatarish cdo muaj policia e shtetit sekuestron 33 armë pa leje kryesisht pistoleta dhe kallashnikove. Në gjysmën e parë të vitit në operacione të ndryshme të shtrira në të gjithë vendin janë sekuestruan mbi 200 armë pa leje.cka tregon përhapjen në masë të këtij fenomeni dhe një këmbanë alarmi për sigurinë publike.