Banorët e fshatit Çiflik janë ngritur mbrëmjen e sotme në protestë për shkak të përmbytjeve,që sipas tyre shkaktohen nga bllokimi i kanalit kullues. Prej me shumë se një muaji kanali është i bllokuar dhe kjo ka çuar në përmbytjen e tokave dhe banesave të tyre,dy herë brenda këtyre dy muajve.Banorët pohojnē se,që prej ngushtimit të kanalit nga ana e bashkisë,në Çiflik përmbytjet kanë qenë tē shpeshta,që nga banesat,tokat bujqësore,serat dhe stallat e bagëtive. Pas çdo përmbytjeje -pohojnë banorët-dëmet që janë shkaktuar janë kolosole ndërsa i bëjnë apel bashkisë të marrë masa të menjëhershme pasi niveli i prurjeve të lumit dhe përrenjve po vijon të rritet dhe ata po flenë me frikën se uji po i hyn sërish në banesë.