Vetëm disa orë pasi mediat amerikane raportuan se Donald Trump kishte frenuar një nismë të Izraelit për të eliminuar liderin shpirtëror të Iranit, Ajatollah Khamenei, reagoi Kryeministri i Izraelit, Benjamin Netanyahu, I cili në fakt nuk e ka përjashtuar vrasjen e liderit suprem të Iranit. Në një intervistë për televizionin amerikan “NBC Neës”, Netanyahu, tha se çdo plan i mundshëm për ta vrarë liderin iranian “nuk do ta përshkallëzonte konfliktin, por do ta përfundonte atë”. I pyetur nëse Izraeli do ta shënjestrojë Khamenein, Netanyanu tha: “Po bëjmë atë që duhet të bëjmë”. “Ne kemi shënjestruar shkencëtarët e tyre më të mirë bërthamorë. Kemi ende punë për të bërë në vende të tjera”, tha Netanyahu. Kryemiinstri izraelit pretendon se Irani po kërkon me ngulm negociata, por për momentin nuk ka asnjë interes për t’u ulur në bisedime. Ai ka thënë po ashtu ka thënë se sulmet izraelite e kanë kthyer programin bërthamor të Iranit shumë prapa. Raportohet ndërkaq, se lideri suprem i Iranit është strehuar në një bunker të nëndheshëm së bashku me familjen e tij.