Forcat e Mbrojtjes së Izraelit kanë publikuar një deklaratë ku thuhet se “një pauzë lokale taktike e aktiviteteve ushtarake do të zbatohet për qëllime humanitare nga ora 10:00 deri në 20:00, duke filluar nga kjo e diel në Rripin e Gazës”. Në deklaratë thuhet se “pauza do të nisë në zonat ku IDF-ja aktualisht nuk është duke vepruar: al-Mavasi, Deir al-Balah dhe Qyteti i Gazës, çdo ditë deri në një njoftim të dytë”. “Kjo vendimmarrje u arrit në marrëveshje me Kombet e Bashkuara dhe organizatat ndërkombëtare pas diskutimeve për këtë çështje. Përveç kësaj, do të krijohen rrugë të caktuara të sigurta në çdo kohë nga ora 06:00 deri në 23:00 për të lejuar kalimin e sigurt të autokolonave të OKB-së dhe të ndihmave humanitare që shpërndajnë ushqim dhe ilaçe për popullsinë në të gjithë Rripin e Gazës”, vijon deklarata.