Izraeli mund të ketë marrë mbështetje politike për një sulm të mundshëm ndaj programit raketor të Iranit gjatë një takimi mes kryeministrit Benjamin Netanyahu dhe ish-presidentit amerikan Donald Trump, i zhvilluar në dhjetor në rezidencën Mar-a-Lago. Sipas raportimeve në media, përfshirë Reuters, Trump “ i ka dhënë dritën jeshile Netanyahut se do të mbështeste një veprim ushtarak izraelit ndaj instalimeve balistike të Iranit, nëse përpjekjet diplomatike me Teheranin dështonin. Megjithëse, nuk ka ende një konfirmim zyrtar për një sulm të mundshëm, zhvillimi vjen në një kohë tensionesh të larta mes Izrael dhe Iranit, ndërsa çështja e programit raketor dhe atij bërthamor mbetet në qendër të debatit ndërkombëtar. Kryeministri izraelit Benjamin Netanyahu tha të dielën se çdo marrëveshje midis Shteteve të Bashkuara dhe Iranit duhet të përfshijë heqjen e të gjithë uraniumit të pasuruar nga Irani, si dhe aftësinë e Teheranit për të pasuruar më shumë. Komentet e tij erdhën ndërsa Ministri i Jashtëm i Iranit, Abbas Araghchi, u nis për në Zvicër të dielën për raundin e dytë të bisedimeve të rinovuara bërthamore me Shtetet e Bashkuara. Irani ka më shumë se 400 kilogram uranium të pasuruar 60 për qind, i cili u pa për herë të fundit nga inspektorët e autoritetit mbikëqyrës bërthamor në qershor, përpara sulmeve izraelite dhe amerikane kundër centraleve bërthamore iraniane. Prandaj edhe Netanyahu bëri thirrje për inspektime të vazhdueshme të programit bërthamor të Teheranit.