Katër vite burg vendosi gjykata e Shkodrës për italianin Davide Pecorelli që inskenoi vdekjen e tij në vitin 2021, Në seancë mësohet se morën pjesë dy avokatët e sipërmarrësit italian, Andrea Castori dhe Massimo Brazzi. Ndërsa prokuroria kërkoi 12 vite burg. Kërkesë kjo që nuk u aprovua nga ana e gjyqtarit të çështjes Arbër Cela I cili vendosi të dënojë Pecorellin me 4 vite. Pecorelli ndodhet në Itali dhe pritet që të dalë para gjykatës së Apleit të Perugias më 28 maj. Gjyq ku do të vendoset nëse ai do të ekstradohet drejt Shqipërisë apo jo. Davide Pecorelli mbërriti në Shqipëri në janar të vitit 2021. Fillimisht ai shkoi në Vlorë, më pas në Shkodër e në Pukë, ku qëndroi për dy netë. Gjurmët e tij u zhdukën në mesnatën e 6 janarit, ndërsa makina me të cilën Pecorelli po udhëtonte u gjet e djegur. Brenda saj hetuesit gjetën dhe mbetje kockore. Ngjarja ngriti pikëpyetje të shumta për shumë kohë deri sa Pecorelli u zbulua që ishte gjallë pas një incidenti me varkë të ndodhi në një ishull në Itali ku rrezikoi mbytjen. Ndërsa u zbulua se për disa kohë kishte qëndruar në Vlorë.