Inflacioni vjetor ra në 4.3% në eurozonë në muajin shtator, nën pritjet e tregut, sipas shifrave të përkohshme të Eurostat. Norma ishte 5.2% në gusht dhe 9.9% në shtator të vitit të kaluar, treguan të dhënat nga instituti statistikor i bllokut. Këtë shtator, ushqimet, alkooli dhe duhani shënuan rritjen më të lartë të çmimeve me 8.8%, nga 9.7% në gusht. Inflacioni i shërbimeve ishte 4.7%, nga 5.5% dhe i mallrave industriale joenergjetike në 4.2%, nga 4.7%. Ndërkohë, çmimet e energjisë u ulën me 4.7% në muajin shtator, ndërkohë që një rënie prej 3.3% u vërejt edhe në muajin gusht. Ndër vendet e eurozonës, Sllovakia shënoi normën më të lartë të inflacionit me 8.9% në muaj, ndërsa norma më e ulët u shënua në Holandë, minus 0.3%. Holanda ishte i vetmi vend ku çmimet e konsumit ranë. Inflacioni ka qenë mbi objektivin prej 2% të Banka Qendrore Europiane për gati dy vjet, dhe banka ka rritur normat e interesit që nga korriku i kaluar, për të ndalur rritjen e shpejtë të çmimeve. Pamjet: AFP