Rritja e çmimeve të perimeve pas një korrjeje të keqe ka bërë që pikat indiane të Bërger King të heqin domatet nga menutë e tyre, duke ndjekur hapat e gjigantëve të tjerë të ushqimit të shpejtë. "Edhe domatet kanë nevojë për pushime!" lexohet në një njoftim në një dyqan në kryeqytetin Nju Delhi. “Domatet do të kthehen së shpejti”, sipas faqes së internetit të Burger King, por nuk është e qartë nëse mungesa e domateve do të prekë të gjitha dyqanet. India përballet me krizën e çmimeve të domates pasi ndryshimet klimatike kanë shkaktuar pakësimin e të korrave. Ekspertët kanë thënë se moti i keq dhe dëmtimi i prodhimit të këtij viti ka shkaktuar mungesën në treg. Banka qendrore e Indisë së fundmi rriti parashikimin e saj të inflacionit për vitin aktual financiar në 5.4% nga 5.1% - duke përmendur rritjen e çmimeve të ushqimeve të caktuara në vendin më të populluar në botë.