Top Channel/Ibrahimaj: Ja marrëveshja që do të nënshkruhet në mbledhjen e përbashkët Shqipëri-Kosovë

Pas mbledhjes së kabinetit qeveritar, ministrja Delina Ibrahimaj ka bërë me dije se ditën e premte, në mbledhjen e përbashkët Shqipëri-Kosovë do të nënshkruhet marrëveshja për njohjen e periudhave të sigurimeve shoqërore ndërmjet Shqipërisë dhe Kosovës. Ibrahimaj bëri me dije se falë kësaj marrëveshje, të gjithë qytetarët shqiptarë të cilët jetojnë në Kosovë do të mund të përfitojnë nga përfitimet për barrë lindje, për aksidentet në punë dhe nga pensionet e pleqërisë, invaliditetit dhe pensioneve familjare në të dyja vendet.