Prej Dhjetorit 2011 Ilir Kumbaro, ish-drejtor në SHIK i dënuar me 15 vite burg në mungesë për rrëmbimin e Remzi Hoxhës, iu zhduk drejtësisë britanike, në ditën kur gjykata në Londër do të jepte vendimin për ekstradimin drejt Shqipërisë. Që nga ky moment për ish zyrtarin e lartë te shërbimit inteligjent shqiptar askush nuk mund të thoshte se ku fshihej. Gazeta prestigjioze britanike “The Telegraph” i ka kushtuar një shkrim Ilir Kumbaros me titull "Scotland Yard riaktivizon kërkimet për ish shefin shqiptar, kërkohet për torturë". Për herë te pare tregohet një e dhënë e re, e cila sugjeron vendfshehjen e Ilir Kumbaros. "Ai u pa për herë të fundit duke bërë pazar në një supermarket në Cardiff me bashkëshorten e tij në vitin 2016, sipas një burimi shqiptar", shkruaj kjo gazetë. Kjo është një e dhënë e re, cila del për herë të parë pas 14 vitesh, nga ajo që mund të quhet "Misteri i Kumbaros" se si ish punonjësi i ish Sigurimit të Shtetit e më pas drejtor drejtorie në SHIK, i iku drejtësisë britanike. The Telegraph shkruan se Scotland Yard po u bën thirrje qytetarëve që të ndihmojnë në gjetjen e një ish-shefi shqiptar të spiunazhit që ndodhet në arrati në Mbretërinë e Bashkuar, i akuzuar për rrëmbimin dhe torturimin e kundërshtarëve politikë. The Telegraph mësoi se hetuesit po bëjnë kërkime dhe po ndjekin pista të reja për vendndodhjen e Kumbaros. I biri, Ardian Hoxha, i tha The Telegraph: “Jemi shumë të lumtur që më në fund autoritetet britanike janë riangazhuar me çështjen e Ilir Kumbaros, personit që rrëmbeu, torturoi fizikisht dhe vrau babain tim.”