Një adoleshent rrezikoi mbytjen pasditen e të premtes në plazhin E Talës. 15-vjeçari u fut në ujë për t’u larë por nuk mundi të dilte. Ishin disa pushues të tjerë së bashku me banorë të zonës ata që u futën në det dhe e shpëtuan të miturin. Menjëherë ata njoftuan ambulancën që shkoi në vendngjarje për t’I dhënë ndihmën e parë 15-vjeçarit. Më pas ai u dërgua drejt spitalit të Lezhës ku po merr ndihmë mjekësore dhe ndodhet jashtë rrezikut për jetën. Por edhe pse sezoni nuk ka nisur ende në Shëngjin e Talë, duket se shumë prej bizneseve nuk janë kompletua me roje plazhi. Kjo pasi në rastin e 15-vjeçarit në zonë mungonte vrojtuesi edhe pse shezlongët tashmë janë hapur.