Tre aksidente shkaktoi një i ri në Vlorë, duke plagosur një punonjëse të burgut të grave dhe duke rrezikuar edhe jetën e policëve rrugorë që ishin në shërbim mbrëmjen e së premtes. Fillimisht në vendin e quajtur Rrethi Çoles një automjet Mercedes-Benz, me drejtues shtetasin Kelian Llakaj ka përplasur automjetin e markës Toyota, me drejtues shtetasin Redjon Skëndo. Më pas drejtuesi i automjetit mercedes-benz është larguar nga vendngjarja dhe ka goditur në rrugën Gjergj Kastrioti, në afërsi të vendit të quajtur “Vola”, një automjet të markës “Ford” që drejtohej nga shtetasja Adelina Kasaj, punonjëse e burgut në Vlorë, e cila ka marrë disa plagë, por është jashtë rrezikut për jeten. Drejtuesi i mjetit mercedes benz është larguar sërish nga vendngjarja ku ka kaluar në drejtim të Zvërneci, por pas 30 minutash ndjekje nga shërbimet e Komisariatit dhe të Drejtorisë, ky shtetas ka aksidentuar motomjetin e Shqiponjave si dhe Automjetin e Shqiponjave duke vënë në rrezik serioz jetën e tyre. Pas kësaj është bërë e mundur prangosja e tij dhe nga kryerja e testit të alkoolit rezultoi në gjëndje të dehur.