Një burim nga Administrata e Kontrollit të Drogës në SHBA ka deklaruar për median spanjolle se 'El Universal' se Ovidio Guzmán Lopez, djali i "El Chapo" Guzmán, është kthyer në dëshmitar i DEA-s dhe tashmë do të mbrohet nga ShBA. Guzmán López, i njohur si "El Ratón", nuk është më në paraburgimin e Byrosë Federale të Burgjeve. Dosja e tij tregon që ai është liruar nga burgu që nga 23 korriku 2024, dhe që prej asaj kohe nuk dihet vendndodhja e tij. Një burim nga Departamenti i Drejtësisë konfirmoi se ish-bashkëdrejtuesi i 'Los Chapitos' mbetet në paraburgim në SHBA dhe se data e tij e ardhshme e gjyqit është caktuar për 1 tetor në SHBA. Edhe vëllai i tij Joaquin Guzman Lopez pritet të dalë në të njëjtën datë para një gjykate në Çikago. Vëllezërit janë bashkë të pandehur në aktakuzë. Ovidio Guzmán, djali i "El Chapo" u arrestua në Meksikë më 5 janar 2023. Ai u mbajt në Qendrën Korrektuese Metropolitane në Çikago dhe më 18 mars 2024 ku gjykatësi Sharon Johnson Coleman lexoi akuzat kundër tij. Avokati i Ovidios, Jeffrey Lichtman, është i njëjtë me atë të babait të tij, "El Chapo". El Chapo u dënua me burgim të përjetshëm, të cilin po e vuan në burgun e sigurisë maksimale në Firence, Kolorado. Ky informacion mbi statusin e Ovidios në SHBA vjen një ditë pasi Prokuroria e Meksikës postoi një deklaratë duke përditësuar hetimin e tyre për rrëmbimin e dyshuar dhe fluturimin në SHBA të "El Mayo", dorëzimin e Joaquin Guzman-Lopez dhe vrasjen dhe fshehjen e vdekjes së Hector Cuen Ojeda, ish-kryetar i bashkisë Culiacan dhe themelues i Partisë Sinaloa PAS.