Makina të shkatërruara, shoferë të panikosur e të dëmtuar dhe këmbësorë të lënduar. Si në një skenë filmi, 31 vjeçari i armatosur u përpoq ti shpëtonte policisë duke shkaktuar një aksident të rëndë me përplasjen e disa makinave dhe një motorri, ku si pasojë një efektiv i policisë jashtë shërbimit së bashku me bashkëshorten ndodhen në spital në gjëndje të rënduar shëndetësore. Rreth orës 12:30 të së dielës, në zonën e liqenit të thatë, Forca e Posaçme “Shqiponja” i kanë bërë shenjë ndalimi Ilir Krrashit, pasi kishin marrë informacion se po lëvizte në automjet me armë zjarri. Pas ndalimit, në momentin që 31 vjecari ka mësuar se ndaj tij do të ushtrohej kontroll, ai është larguar me shpejtësi në drejtim të autostradës duke përplasur disa makina dhe një motomjet. Në afërsi të Saukut, përfundoi arratisja e furishme e 31 vjeçarit Ilir Krrashit, i cili pas një ndjekje intensive u arrestua dhe në makinën që po drejtonte ju gjet një armë zjarri pistoletë.