Pak orë para se të mbahej finalja e Eurovizionit, u përjashtua nga gara konkurrenti holandez Joost Klein. Sipas kompanisë organizatore të festivalit, policia suedeze po hetonte "një ankesë të bërë nga një anëtare femër e grupit të produksionit" kundër këngëtarit holandez dhe se për këtë arsye pjesëmarrja e tij në finalen e Eurovizionit që u zhvillua në Malmo, nuk ishte e përshtatshme. “Europapa”, e kënduar nga këngëtari 26 vjeçar Klein ishte mes favoriteve, por incidenti me një anëtar të stafit e ka lënë jashtë garës së madhe. Kanali holandez Avrotus, një nga dhjetëra transmetuesit publikë që financojnë dhe transmetojnë së bashku konkursin, është tronditur nga vendimi dhe e konsideroi skualifikimin joproporcional “Na vjen thellësisht keq për këtë dhe nuk do ta lëmë me kaq”, tha AVROTOS në një deklaratë. Finalja e Eurovizionit u shoqërua edhe me protesta të mëdha pro-palestineze në Malmo, qyteti suedez me popullsi të madhe myslimane. Protestuesit ishin kundër pjesëmarrjes së Izraelit në këtë kompeticion, duke kërkuar përjashtimin e këngëtarit të tyre, për shkak të veprimeve të Izraelit në luftën në Rripin e Gazës. Pamjet: AFP