Fjalimin e tij mbi faktin që shqiptarët e kanë të pamundur të përdorin simbolet e tyre kombëtare në Serbi, shefi i Grupit Parlamentar “Lugina e Bashkuar – SDA Sanxhak”, Shaip Kamberi e ktheu në sfidë ndaj vetë parlamentit serb. Kamberi citon në sytë e të gjithëve vargjet e himnit shqiptar, duke shkaktuar irritim tek disa nga të pranishmit. Deputeti shqiptar nga Bujanoci e pyeti hapur kryeministren serbe, Ana Bërnabic se kur do të lejohen shqiptarët të përdorin lirshëm e në mënyrë publike simbolet e tyre teksa jetojnë në Serbi. Ai theksoi se Serbia është vend ii vetëm në rajon i cili nuk i lejon pakicave kombëtare që të përdorin lirshëm simbolet e tyre “nëse janë identike me simbolet e shteteve tjera”.Ai theksoi se do të vazhdojnë angazhimin për përdorimin e lirshëm publik të ketyre simboleve nga shqiptarët e Luginës së Preshevës. “Do të presim me durim momenti kur e drejta jote të njihet e të vihet në zbatim. Ne vendet e rajonit është kryer prej kohësh dialog me pakicat. Deri atëherë, ne as nuk do të dorëzohemi as nuk do të nënshtrohemi. Se Zoti vetë e tha me gojë Që kombe shuhen përmi dhe, Po Shqipëria do të rrojë; Për të, për të luftojmë ne! Faleminderit”, u shpreh Kamberi para të gjithëve.