Dick Marty, ish senatori zviceran, I cili hartoi raportin për Këshillin e Europës kundër UÇK-së, vdiq në moshën 78-vjeçare. Lajmin për ndarjen nga jeta e bën të ditur mediat zvicerane si dhe Partia e tij Demokracia e Lirë. Ish prokurori zviceran I cili më pas kryesoi komitetin për çështjet juridike në Asamblenë Parlamentare të Këshillit të Europës, në vitin 2010 publikoi një raport ku akuzonte ish-pjesëtaret e Ushtrisë Çlirimtare të Kosovës për “trafikim të organeve njerëzore”; vrasje pa gjyq, rrëmbime e keqtrajtime. Trafiku I organeve bëhej nga Shqipëria, sipas tij, gjatë dhe pas luftës në Kosovë. Por këto pretendime edhe pse nuk janë bazuar në dëshmi, çuan në vitin 2015 në themelimin e Gjykatës së Posaçme për krime lufte me seli në Hagë, e cila vepron me ligjet e Kosovës por me personel ndërkombëtar. Aktualisht po vijojnë procesi gjyqësor ndaj drejtuesve të lartë të ish Ushtrisë Çlirimtare të Kosovës për krime lufte. Nën akuzë janë: Hashim Thaçin, Kadri Veselin, Rexhep Selimin dhe Jakup Krasniqin. Ata ndodhen në paraburgim në Hagë nga nëntori i vitit 2020. Në korrik të vitit 2022, parlamenti shqiptar miratoi unanimisht një rezolutë që hidhte poshtë këto akuza. Ndërkohë kryeministri Rama pak muaj më pas I kërkoi Asamblesë Parlamentare të Këshillit të Europës që të rishqyrtojë edhe njëherë rezolutën e mbështetur në raportin e Dick Martyt. Kjo me argumentin se të gjitha pretendimet e ngritura prej tij mbetet të paprovuara dhe të pabazuara në prova dhe fakte. Pamjet: AFP