Vlora u trondit në mesnatë nga një tjetër atentat. Viktimë mbeti Shkelzen Velaj vëllai i të cilit ishte vrarë 6 vjet më parë në konflikt me fisin Llanaj. 43 vjeçari po kthehej në shtëpi kur pa atentatorët që i kishin zënë pritë pranë pallatit. Ai u përpoq tu shmangej duke u larguar me vrap nga makina e ndezur drejt apartamentit në katin e pestë. Por ndërsa hapte derën është qëlluar me një breshëri kallashnikovi. Familjarët e dërguan në spital ku nuk mundi t i mbijetojë plagëve. Fqinjët tregojnë se viktima nuk ishte njeri problematik për ta, ndërsa tregojnë momentet e para të ngjarjes. “E kam gjiton atje isha dje, nëna për vdekjen e mori vesh pas orës 02:30. Ishte në shtëpi dhe djali kishte folur hape derën, sa vajta unë të hapja derën tha nga zhurma nuk e hapa dot. Sa hapa derën e gjeta djalin të shtrirë.”- rrëfen komshia. Një tjetër dëshmitar tregon se Velaj, ishte njeri i qetë. “Skishte probleme për pallatin ky djali , interesohej dhe për shtrimin e rrugëve, ai e ka shtruar rrugën këtu. Ka vënë shtyllat e ndriçimit pra njeri shumë i rregullt për ne këtu, por grua më të mirë se ëma e tij nuk ka.”- rrëfen komshiu.