Pas gati një vit nga sekuestrimi i 4 pasurive të paluajtshme që janë në pronësi të Saimir Taullaut në Lushnjë, gjykata e Fierit ka vendosur diten e sotme me ane te nje vendimi te mare nga gjyqtari Vladimir Cjapi të konfiskojë 4 pasuritë e eksponentit kriminal, duke urdhëruar kalimin e këtyre pasurive në favor të shtetit. Por ky vendim nuk është i formës së prerë, pasi i jep mundesi pales qe ta ankimoje gje qe pritet të apelohet nga Saimir Taullau, i cili do vijojë të kërkojë kthimin e pronave mbrapsht. Mësohet se gjyqtari Vjadimir Cjapi, ka vendosur të pranojë kërkesën e prokurorisë, duke urdhëruar konfiskimin e një godinë ekonomike 2 kate, karburant dhe ambjent shërbimi në lagjen “18 Tetori” në Lushnjë. I konfiskuar ka përfunduar dhe një sipërfaqe toke truall. Më tej lista vijon me konfiskimin e një godine ekonomike 1 katshe dhe bodrum me sipërfaqe 306 m2. Ndërsa pasuria e katër që është konfiskuar është truall me njësi shërbimi 3 kate dhe një karburant ekzistues dhe një pikë gazi. Saimir Taullau, rezulton i dënuar për tregti heroinë në Shqipëri dhe në një vend të Bashkimit Europian. Taullau, është vllai i Baki Taullaut, biznesmenit që mbeti i vrarë në 3 Korrik 2005 në qëndër të Lushnjës i vrare nga banda e Aldo Bares Sajmir Taullau, ka pasur dhe problem të mëparshme më hetimin pasuror nga SPAK dhe OFL-ja, por pronat e tij fillimisht u sekuestruan dhe më pas u liruan nga gjykata e posaccme.