Hakerë të mbështetur nga Koreja e Veriut kanë ndërmarrë një fushatë globale spiunazhi kibernetik për të vjedhur sekrete ushtarake për të mbështetur programit e armëve bërthamore të Phenianit, thanë në një deklaratë të përbashkët Shtetet e Bashkuara, Britania e Madhe dhe Koreja e Jugut. Ekspertët e sigurisë kibernetike i quajnë hakerët e mbështetur nga Koreja e Veriut "Anadriel" ose "APT45" Paralajmërimi u bë nga FBI, dhe NSA dhe agjencitë kibernetike nga SHBA-ja Hakerët kanë vënë në shënjestër ose kanë depërtuar në kompani prodhues tankesh, nëndetësesh, anijesh luftarake, avionësh luftarakë, raketash dhe prodhues sistemesh për radarë. Sipas FBI-së Andarieli ka përdorur pika të dobta të softuerëve për të filluar sulme kibernetike duke përdorur malware dhe phishing, për të hyrë në banka të dhënash dhe mbledhur informacione sekrete. FBI u bëri thirrje kompanive të përfshira në sektorët e mbrojtjes, të hapësirës ajrore, të energjisë bërthamore dhe të inxhinierisë "të qëndrojnë vigjilente për mbrojtjen e rrjeteve të tyre nga operacionet kibernetike të sponsorizuara nga Koreja e Veriut". FBI njoftoi edhe se Andariel ishte përpjekur të merrte informacione si specifikime dhe projekt-skica për proceset e përpunimit dhe të pasurimin të uraniumit, si dhe për raketa dhe sisteme të mbrojtjes prej raketave.