Bukuroshe Kodra, bashkëshortja e Mark Kodrës, autorit të vrasjes së 25-vjeçarit në fshatin Bardhaj në qytetin e Shkodrës ka rrëfyer se konflikti ka nisur pas një debati me djalin e tyre. Ajo tregoi se babai ka shkuar në lokal për t’i kërkuar llogari viktimës, Emiljano Ndou, i cili thotë se e ka ofenduar me fjalë banale dhe më pas e ka goditur. “Të futa nën goma të motorit”, ishte fraza që 25-vjecari ka kërcënuar autorin, thotë Bukuroshja. Tragjedia ndodhi pasi 25-vjeçari shkoi pranë banesës së tyre për të dërguar një fqinj në shtëpi. Mark Kodra mori kallashnikovin dhe qëlloi për vdekje të riun, ndërsa e shoqja thotë se nuk ka shfaqur pendesë për këtë ngjarje. “Konflikt ka qenë me djalin. Konflikti erdhi sepse është zënë me djalin, ka ecur me motor dhe ka kaluar nga ai. Në mbrëmje e ka zënë në një lokal dhe i ka thënë “Cfarë pate atë natë?” Ky i ka thënë ka mbaruar, ndërsa ai ia ka kthyer: “Për mua nuk ka mbaruar, të futa nën goma të motorit dhe e ka sharë, i ka rënë.”