Një sulmuese vetëvrasëse ka lënë sot katër njerëz të vrarë në një minibus stafi të institutit kinez Confucius në Universitetin e kryeqytetit Karachi. Përgjegjësia për sulmin u mor nga grupi militant separatist Baloch, i cili kërkon pavarësinë e rajonit më të madh të Pakistanit, Balochistan. Ata thanë se ky ishte sulmi i parë vetëvrasës nga një militante femër. Kjo nuk është hera e parë që goditen objektiva kineze nga separatistët e rajonit Balochistan, ku Pekini po përfshihet në projekte të gjera infrastrukture si pjesë e iniciativës “Brez e Rrugë”. Separatistët kanë kundërshtuar prej kohësh projektet madhore të energjisë e minierave në rajon, duke thënë se avantazhet e tyre po dalin jashtë vendit. “Ushtria Çlirimtare e Baloch pranon përgjegjësinë e sulmit të sotëm vetë-sakrifikues”, tha grupi Jeeyand Baloch, në një deklaratë në anglisht në rrjetet sociale. Pamjet: AFP