Ministri i jashtëm grek Nikos Dendias dënonte sot komentet e presidentit turk Rexhep Tajip Erdogan gjatë vizitës se tij në republikën turko-qipriote, si dhe vendimin e quajtur “ilegal” për hapjen turistike të qytetit bregdetar qipriot Varosha, i cili më parë ka qenë banuar nga greko-qipriotë. Erdogan kishte përsëritur mes te tjerash se zgjidhja e vetme për çështjen qipriote është një ishull me dy shtete sovrane, të cilën komuniteti ndërkombëtar duhet ta pranojë, sipas Erdogan. Por kryeministri grek Mitsotakis ka ftuar presidentin turk të heqë dorë nga kërcënimet dhe ministria greke e Jashtme ka dënuar njoftimin aktual, duke e quajtur shkelje të pastër të vendimeve të Këshillit të Sigurimit të OKB. Josep Borrell Përfaqësuesi i Lartë i BE ka theksuar se qeveria turke është përgjegjëse për situatën në Varoshia dhe se BE do të monitorojë nga afër konsultimin e Këshillit të Sigurimit të Kombeve të Bashkuara mbi Qipron dhe do të vendosë për hapat e ardhshme.