Greqia përjetoi gjatë tre ditëve të para të majit një “dimër” të papritur në zemër të pranverë me një nga episodet më të pazakonta të motit të dekadave të fundit. Një masë shumë e ftohtë ajrore solli rënie të ndjeshme të temperaturave dhe reshje bore në shumë zona malore .Sipas meteorologëve, bëhet fjalë për një nga fenomenet më ekstreme të kësaj periudhe në rreth 40 vitet e fundit, me krahasime që shkojnë deri tek vala të ftohtit në vitin 1987. Në disa zona, përfshirë edhe Athinën, temperaturat ishin 12 deri në 13 gradë Celsius më të ulëta se vlerat normale për sezonin.Kanë bërë përshtypje të veçantë temperatura 24-orëshe mestare në 1 Maj në stacionin e Thissio-s në Athinë që shënoi 13,3°C, duke u renditur ndër katër më të ulëtat e 135 viteve të fundit, që nga viti 1890 , si dhe temperatura maksimale që shënoi rekord në këtë datë në të njëtën zonë ,me 15,2°C, vlera më e ulët maksimale prej 140 vitesh.Mediat sociale janë mbushur me pamjet e borës që binte sidomos nëqë ndrat dimërore në Parnitha, Parnassos, Kalavryta, Ziria si dhe zona të tjera malore, ndërsa në disa akse rrugore u kërkua përdorimi i zinxhirëve.Edhe mëngjesi I sotëm solli temperatura minimale nga -2 deri në -4 në disa zona. Ndërkohë kontrasti bëhet edhe më I fortë pasi në orët në vazhdim pas këtij “dimri” të shkurtër, pritet një rritje e shpejtë e temperaturave. Në Atikë, termometri pritet të arrijë sërish 27–28°C, ndërsa në disa zona të Greqisë edhe 28–30°C.Ekspertët theksojnë se moti ekstrem dhe ndryshimet e shpejta të temperaturës lidhen gjithnjë e më shumë me paqëndrueshmërinë klimatike.