Gjuajtësit amerikanë F-16 dhe ato kolumbianë Kfir kryenin sot manovra të përbashkëta ajrore pranë bazës Rionegro në Kolumbi. Kjo është hera e gjashtë që kryhet operacioni i përbashkët Rrufeja (“Relampago”) në Kolumbi. Majori i forcave ajrore amerikane Angel Serna, tha se dy vendet kanë një lidhje të ngushtë të forcave ajrore, siç është ajo e fluturimit në formacion të bombarduesve amerikanë B-52 të mbrojtur nga armiku prej skuadronëve të gjuajtësve kolumbiane Kfir. “Ne jemi gjithmonë të emocionuar kur mund të integrohemi me formacionet ajrore të aleatëve tanë. Kemi identifikuar shumë ngjashmëri në mënyrën sesi kolumbianët kryejnë ndjekjet apo zbulimin e tyre ajror. Zhvillimi i taktikave e procedurave është gjithnjë një avantazh për të dyja palët, si në forcat ajrore dhe ato detare”, shtoi ai.