Vetëvaret me çorçaf në dhomën e tij në burgun e Peqinit i dënuari Engjëll Ucaj. 78 vjecari në vitin 2013 vrau me armë zjarri të birin dhe nusen e tij shtatzënë. Edhe pse prokuroria në atë kohë kërkoi burg përjetë, Uçaj u dënua me 25 vite për veprat penale të “Vrasjes në rrethana cilësuese” dhe “Armëmbajtje pa leje,” sipas neneve 79/dh dhe 278/2 të Kodit Penal. Pas gjetjes së tij nga punonjësit e policisë, Ucaj u transportua menjëherë në urgjencën e spitalit të Peqinit, ku, pas përpjekjeve të mjekëve nuk arriti t’ia dalë. Në janar të vitit 2013 në lagjen “Sul Papri” në Elbasan Ucaj vrau djalin 27 vjec dhe bashkëshorten e tij italiane pas konflikteve të shumta në familje. Në atë kohë Ucaj deklaroi para trupit gjykues se djali e dhunonte vazhdimisht i ndikuar edhe nga bashkëshortja e tij. Ndërkohë nga ana e IEVP-së Peqin janë vënë në dijeni autoritetet përkatëse për të zbardhur rrethanat e ngjarjes.