Shkarjet e vazhdueshme të gurëve detyruan autoritetet zvicerane që të evakuonin të gjitha familjet e një fshati të vogël. 84 banorët e fshatit Brienz në Zvicrën e largët lindore u akomoduan në zona të tjera. Kjo pasi siç shihet dhe nga këto pamje, rreth 2 milionë metra kub shkëmb rrezikon të shkëputet nga shpati I malit dhe të godasë banesat. Në fillim të kësaj jave banorët morën një njoftim urgjent ku theksohej se duhej të dilnin deri të premten. “Analiza e shërbimit të paralajmërimit të hershëm tregon se shkëmbi pritet të shkëputet në katër deri në 14 ditët e ardhshme”, tha bashkia. Krahas banorëve u bë e mundur dhe largimi I të gjitha kafshëve. Në fshatë do të hyjnë vetëm shërbimet e emergjencave të cilat do të bëjnë dhe vlerësimin e riskut që paraqet mali. Ndërkohë Zyra Federale e Zvicrës për Aviacionin Civil ka urdhëruar gjithashtu ndalim-fluturimin rreth zonës. Pamjet: AFP