Taivani krijoi një forcë të re rojesh bregdetare, e cila të ndihmojë në përballjen me taktikat kineze të luftës kundër ishullit. Njësia e drejtuar nga civilë, do të funksionojë si degë e marinës tajvaneze në kohë konflikti. Kina i ka shtuar akvitivitet e saj në afërsi të Tajvanit, përfshirë dhe stërvitjet detare apo veprimtarinë pranë hapësirës së tij ajrore e detare, duke ngjallur shqetësim tek autoritetet tajvaneze. Anija më e madhe e rojes së re do të Chiayi is, 400 tonëshe, ecila është e pajisur vec të tjerash edhe me sisteme të fuqishme raketahedhëse. Në një raport të paraqitur javën e kaluar në parlament, Këshilli Tajvanez i Cështjeve oqeanike, që mbikqyr rojen bregdetare, thoshte se Kina po shtrihet në mënyrë agresive, duke përfshirë këtu edhe njësite e saj milicore detare të cilësuara si një flotë sekrete, që sic theksohej në raport, po përpiqen të krijojnë “zona gri konflikti” në rajon. “ Nëse do të guxojnë të kalojnë kufirin tonë, do të prangosen”, thanë zyrtarët duket iu referuar milicive kineze që maskohen si anije peshkimi. Chiayi është pjesë e planeve qeveritare për t`iu kundërvënë kërcënimit në rritje të Kinës, të cilat përfshijnë objektivin e ndërtimit të 141 anijeve të reja të rojeve bregdetare deri në fundin e vitit 2027.