Ushtarë izraelitë bastisën spitalin në Jeruzalem teksa po nxirrej arkivoli me trupin e gazetares së vrarë një ditë më parë. Arkëmorti i gruas thuajse u rrëzua përtokë teksa policia me shkopinj gome sulmoi turmën e palestinezëve, duke argumentuar veprimin e tyre si reagim pasi u goditën me gurë. Shireen Abu Aqla u vra në rrethana të paqarta të mërkurën gjatë sulmit të ushtrisë Izraelite në një kamp refugjatësh palestinezë në Jenin. Pamjet e funeralit tregonin palestinezët që shoqëronin arkivolin e gazetares në spital, teksa goditeshin nga policia izraelite. ndërsa shiheshin dhe objekte që lëshoheshin ndaj oficerëve, të cilët përdoren gjithashtu gaz lotsjellës. Në komentet e saj policia izraelite tha se oficerët përdorën “mjete të shpërndarjes së trazirave” pasi u goditën me gurë. Autoritetet palestineze thanë se gazetarja me origjinë vendase e rrjetit Al Jazeera u vra nga ushtria izraelite, ndërsa Izraeli thotë se kjo nuk është e mundur të përcaktohet.