Presidenti turk Rexhep Tajip Erdogan propozoi nje administrim te ri për Jeruzalemin. Erdogan e hodhi idenë gjatë një conference për shtyp, ku tha se Turqia do ta mbështeste hap pas hapi zbatimin e një plani të tillë, politikisht por edhe ushtarakisht. Izraeli përpiqet të legjitimojë veprimet e tij duke përmendur rezistencën palestineze. Po palestinezët nuk kanë avionë luftarakë, ndërsa ju nga ana tjetër keni pafund. Kë po përpiqeni të gënjeni? E dënoj Austrinë që mban varur flamurin izraelit. Mendoj se Austria po i bën myslimanët të paguajnë për kohën kur hebrenjte iu nënshtruan genocidit. Një ish kryeministër izraelit, emrin e të cilit nuk po e përmend shtoi Erdogan, më tha përpara shumë vitesh se kënaqësia e tij më e madhe kishte qenë të vriste palestinezë gjatë shërbimit të vet ushtarak si gjeneral. Duke kujtuar pozicionin e Shteteve të Bashkuara si aleat kyc i Izraelit, presidenti turk nuk kurseu në komentet e tij të ashpra as vetë shefin e Shtëpisë së Bardhë, Joe Biden. Ju po e shkruani historinë me gjak nëpër duar. Na detyruat ta themi këtë, sepse nuk mund të heshtim më. Erdogan shtoi se kishin parë “firmën e Bidenit mbi armët në Izrael”, duke iu referuar raporteve në mediat amerikane mbi një ngarkesë të re armatimesh të aprovuara nga administrata e Joe Biden. Gjatë sundimit të tij 18 vjecar, presidenti turk ka fituar mbështetje në mbarë Lindjen e Mesme duke u shfaqur si përkrahës i fuqishëm i kauzës palestineze.