Miliarderi amerikan Elon Musk e mbështeti hapur thirrjen e presidentit të SHBA-së, Donald Trump, për zgjedhjen e një presidenti të ri në Ukrainë. Manjati i njohur doli me pretendimin se Volodymyr Zelensky “vërtet që e ka tepruar”. Reagimi i Musk erdhi përmes platformës X, pas kritikave të Trumpit ndaj Zelenskyt për refuzimin, sipas tij, të mundësive për arritjen e një marrëveshjeje me Rusinë. Në shkurt të vitit 2025, sakaq, ai deklaronte se ukrainasit kishin një qëndrim negativ ndaj Zelenskyt, ndërsa një muaj më vonë bëri thirrje për mbajtjen e zgjedhjeve kombëtare në Ukrainë, duke parashikuar se presidenti aktual do t’i humbiste ato. Ne reagimin e fundit, Trumpi e akuzoi homologun ukrainas për zgjatjen e luftës dhe e lidhi këtë çështje edhe me ndikimin e sulmeve ukrainase ndaj rafinerive ruse në tregjet e energjisë. Përplasjet politike u shtuan pas njoftimit të shefit të Shtëpisë së Bardhë për një marrëveshje me presidentin rus, Vladimir Putin, lidhur me furnizimin e SHBA-së me naftë ruse dizel. Deklaratat e Trumpit lidhur me mbajtjen e zgjedhjeve të reja presidenciale në Ukrainë erdhën disa orë pasi sulmet ruse vranë të paktën 20 persona në qytetin ukrainas të Zaporizhjas, në juglindje të vendit.