Mbretëresha britanike Elizabeta është parë sot për herë të parë të ecë me ndihmën e një shkopi, teksa erdhi për të shënuar 100-vjetorin e Legjionit Britanik në katëdralen e Westminster në Londër. Kjo është hera e parë që ajo e bën një gjë të tillë në një event publik, çka sinjalizon se nuk do të jetë e aftë të mbajë postin ceremonial për shumë kohë. Ndihmësat i dhanë asaj shkopin menjëherë pasi doli nga limuzina, edhe pse nevoja e saj për mjetin dukej minimale. Mbretëresha ishte veshur me një pallto të gjatë blu, si dhe kapele e çantë të përshtatur me të. Ajo dukej se eci pa problem drejt karriges së saj për shërbesën, por mori rrugën më të shkurtër nga ‘podiumi i poetit’, në vend të kalimit tadicional nga dera e madhe. Monarkja 95-vjeçare përdori përsëri shkopin edhe kur u largua. Më parë ajo kishte përdorur rrallë mjete ndimëse për të ecur por jo në evente publike. Pallati mbretëror Buckingham Palace nuk pranoi të komentonte mbi gjendjen e saj.