Si për të treguar se nuk ka gjë për të fshehur, presidenti Donald Trump firmosi projektligjin që parashikon publikimin e të gjitha dosjeve të lidhura me financierin pedofil Jeffrey Epstein, duke hedhur kështu një hap të cilin vetë e kishte kundërshtuar për muaj me radhë. Kreu i Shtëpisë së Bardhë ndryshoi papritur qëndrim gjatë fundjavës, pasi u ndesh me reagimet e ashpra të viktimave të Epstein por edhe të disa anëtarëve të Partisë së tij Republikane. Departamenti amerikan i drejtësisë tani ka 30 ditë ditë për të bëë publike të gjitha informacionet e sala nga hetimet federale ndaj Epstein. Megjithatë, ai mund të mbajë të fshehtë dosjet që lidhen me hetime aktive penale ose që konsiderohen se shkelin privatësinë personale. Deri vonë, Trump e kishte hedhur poshtë nevojën për të publikuar dokumentet me arsyetimin se ky ishte sipas tij një "mashtrim" i udhëhequr nga demokratët për të "shmangur" vëmendjen nga puna që po bën forca e tij politike. Megjithatë, tani duket shpreson t`i kthejë këto dosje në një armë kundër rivalëve. "Ndoshta e vërteta rreth demokratëve dhe lidhjeve të tyre me Jeffrey Epstein do të zbulohet së shpejti, sepse unë sapo nënshkrova projektligjin për të publikuar dosjet Epstein”, shkroi presidenti në platformën e tij Truth Social, teksa këmbënguli te tregonte se financiari kishte qenë një democrat i përjetshëm, sipas Trumpit, dhe kishte bërë donacione të mëdha për atë parti.