Gjykata e Vlorës la në burg pronarin e një hoteli në plazhin e Borshit i cili tre ditë më parë kërcënoi me armë zjarri dy punonjëset e tij. Emanuel Shkëmbi akuzohet për kanosje ndaj nënë e bijë, të dyja punëtore në hotelin e tij kur Shkëmbi, pas një konflikti banal që kishte pasur me të dyja. Policia siguroi edhe pamje të momentit kur 26-vjecari nxjerr një armë tip pistoletë dhe i ndjek nga pas duke vrapuar, nënë e bije . Nën hetim për ngjarjen u vu edhe babai i pronarit, 56-vjeçari, Alfred Shkëmbi. Ky i fundit akuzohet se ka ushtruar dhunë fizike ndaj punonjëses 21 vjecare. Në hotel, u sekuestrua arma më të cilin u krye kanosja një pistoletë, 1 krehër pistolete si dhe 8 fishekë 9 mm. Pas shpalljes së vendimit, Emanuel Shkëmbi u transferua menjëherë në drejtim të burgut të Fierit, ku do të vuajë masën e sigurisë. Burime pranë hetuesve bëjnë të ditur se armën e përdorur në ngjarje e ka pasur pa leje dhe pritet që ndaj tij të rëndojë edhe akuza të tjera.