Top Channel/ Divorcohen Leka dhe Elia/ Marrëveshje për 1 mijë€ në muaj, një apartament dhe një dyqan

Marrëdhënia mes Leka Zogu II dhe Elia Zaharia u soll në vëmendje të medias pas një konflikti mes tyre që degjeneroi deri në dhunë fizike dhe shkoi në dyer të gjykatave për urdhër mbrojtje. Kjo marrëdhënie tashmë ka marrë fund edhe zyrtarisht pasi gjykata ka vendosur zgjidhjen e martesës së tyre të lidhur në vitin 2016 ne një ceremony madhështore. Sipas gjykatës zgjidhja e martesës është e dakordësuar nga të dy, por gjithsesi do të duhen 15 ditë që ky vendim të marrë formë të prerë. Në vendim thuhet se Elia Zogu do të mbaje mbiemrin që ka patur para martese "Zaharia" ndërsa është pranuar se zgjidhja e martesës do të bëhet në bazë të marrëveshjes së firmosur mes tyre më 15 janar 2024 që përcakton përfitimet pas divorcit si dhe takimet që Leka ZOGU I II do të ketë me të bijën Geraldinën.