Teksa hovi i përpjekjeve diplomatike për fundin e luftës në Ukrainë është zbehur mes paqartësisë së qëndrimit të Kremlinit lidhur me një takim Putin-Zelensky, Moska ka vazhduar ta ushqejë ofensivën e saj në terren, nga njëra anë me avancimin në rajonin industrial të Dnipropetrovskit, e nga ana tjetër me sulme të reja ndaj kryeqytetit Kiev. 12 vetë mes të cilëve 3 fëmijë raportohet të jenë viktimat e bombardimeve ajrore. Me dhjetëra të tjerë janë plagosur tha presidenti Zelensky, i cili e akuzoi Rusinë se po zgjedh “raketat në vend të tryezës së negociatave”. Zelensky: Rusia po zgjedh të vazhdojë vrasjet në që t'i japë fund luftës. Dhe kjo do të thotë se ajo ende nuk ka frikë nga pasojat. Ne presim një reagim nga të gjithë ata nëpër botë që kanë bërë thirrje për paqe, por tani më shpesh heshtin në vend që të marrin qëndrime parimore. Dhe është padyshim koha për sanksione të reja dhe të ashpra kundër Moskës për gjithçka që po bën. Tashmë janë shkelur të gjitha afatet, e dhjetëra mundësi për diplomaci janë shkatërruar. Rusia duhet të ndihet përgjegjëse për çdo sulm, për çdo ditë të kësaj lufte.