Dhuna e shënuar së fundmi mes ushtarëve dhe emigrantëve në kufirin polako-bjellorus ka nxitur qeverinë polake të rrisë sigurinë dhe rikthimin e zonës asnjanëse 200 metra të gjatë. Polonia e sheh fluksin e fundit të emigrantëve nga Bjellorusia si një taktikë të luftës hibride. Në kufirin midis Polonisë dhe Bjellorusisë, Parku Kombëtar Bialowieza, shumë i njohur nga turistët dhe adhuruesit e natyrës, ka qenë rishtazi terren i përplasjeve mes ushtarëve polakë dhe emigrantëve. Një oficer i lartë i shtabit të Gardës Kufitare polake, Michal Bura, u shpreh se këtë herë dhuna në kufi është rritur. “Gjendja në kufi është shumë e rrezikshme. Çdo ditë ndodhin qindra incidente të lidhura me kalimin e paligjshëm të kufirit. Emigrantët janë shumë agresivë dhe sulmojnë rojet kufitare polake”, deklaroi ai. Javën e kaluar, dy roje kufitar polak morën trajtim mjekësor në spital pasi u lënduan në kufi nga sulmet e emigrantëve, sulme që përfshinë goditje me thikë.