Ish-ministri kinez i Bujqësisë, Tang Renjian, është dënuar me vdekje, pasi akuzohet për korrupsion. Nga hetimet e drejtësisë kineze rezultoi se ish-ministri kishte marrë ryshfet dhe prona me vlerë 37.6 milionë dollarë nga viti 2007 deri në vitin 2014. Gjykata kishte pezulluar dënimin e tij me vdekje për dy vite, por tashmë është vendosur ekzekutimi i tij. Partia Komuniste e Kinës e përjashtoi Tang në nëntor 2024, gjashtë muaj pasi ai u vu nën hetim nga organi mbikëqyrës anti-korrupsion. Hetimi i Tang ishte jashtëzakonisht i shpejtë dhe pasoi hetime të ngjashme ndaj ministrit të mbrojtjes dhe paraardhësit të tij. Presidenti i Kinës, Xi Jinping nisi një fushatë spastrimesh të aparatit të sigurisë së brendshme të Kinës në vitin 2020, duke kërkuar të sigurohej që policia, prokurorët dhe gjyqtarët të jenë "absolutisht besnikë, të pastër dhe të besueshëm". Tang ishte guvernator i provincës perëndimore të Gansu nga viti 2017 deri në vitin 2020 përpara se të emërohej ministër i bujqësisë dhe çështjeve rurale.