Një nëndetëse bërthamore franceze, e dëmtuar rëndë nga zjarri vitin e kaluar, nuk përfundoi për skrap dhe kjo falë idesë për ta ndarë në dy pjesë. Ajo cfarë mundi të shpëtohej prej saj do të përdoret për riparimin e një tjetër nëndetëseje. Zjarri i fuqishëm aksidental që zgjati për plot 14 orë , bëri që Perle të dilte jashtë funksionit qershorin e një viti më parë. Ajo pësoi dëmtime strukturore, që sipas ministrisë franceze të mbrojtjes, nuk riparoheshin dot. Megjithatë një pjesë e nëndetëses 73 metra të gjatë e që peshon 2,600 tonë, do të hyjë sërish tani në përdorim, vetëm se në një formë tjetër. Për fatin e mirë të marinës franceze, thotë CNN, një prej simotrave të Perle, Saphir, që u tërhoq nga shërbimi në 2019-tën, prste cmontimin në varrezën e portit Cherbourg. Tani ka shanse që ajo të rregullohet me gjysmën e `mirë` të Perle, dhe kompania që ka marrë përsipër ta riparojë, Naval Group, është mjaft optimiste.