I fshehur thellë në pyllin Rold në veri të Danimarkës, një bunker sekret bërthamor po hapet për herë të parë për publikun. Strehimi nëntokësor është i paprekur dhe duket sikur të kthen prapa në kohë, teksa autoritetet thonë se e kanë kthyer në muzeum “mes ringjalljes së frikës së luftës prej konfliktit në Ukrainë”. Bunkeri ishte ndërtuar nga viti 1963 deri në 1968 me insistimin e komandës së NATO-s, gjatë kohës së krizës se luftes se ftohte. supozohej se aty strehoeshin qeveritarët danezë dhe familja mbretërore në rast lufte. I fshehur mes pemëve, bunkeri qëndron thellë 60 metra nën një kodër gëlqerore. Bunkeri i vendosur rreth 400 kilometra larg kryeqytetit Kopenhagen, kishte furnizime për autoritetet për rreth 30 ditë. Historiania vendase Bodil Frandsen thotë se avancimet në fushën e bombave e armatimeve ndryshuan strategjitë e mbrojtjes dhe i bënë bunkerë të tillë të padobishëm. Bunkeri në fakt nuk u përdor asnjëherë dhe doli jashtë shërbimi në 2003 ndërsa u bë i njohur për herë të parë në 2012.