OKB-ja kërkon hetim të plotë mbi vrasjen e turko-amerikanes Aysenur Ezgi Eygi në Bregun e pushtuar Perëndimor gjatë një tubimi të zhvilluar atje. Mediat lokale raportojnë se 26 vjecarja është qëlluar nga forcat izraelite teksa protestonte kundër vendbanimeve hebreje që po zgjerohen në qytetin Beita pranë Nablusit. Ushtria e shtetit hebre tha vetëm se po verifikon njoftimet se “një shtetase e huaj ka mbetur e vrarë prej të shtënave me armë zjarri në zonë”. Një dëshmitar ocular i tha BBC-së se kishte dëgjuar të paktën dy të shtëna gjatë protestës. Më herët, zëdhënësi i Departamentit amerikan të Shtetit, Mattheë Miller, e konfirmoi vdekjen 26-vjeçares, por nuk tregoi nëse ajo u qëllua nga trupat izraelite.Ai tha se Shtetet e Bashkuara janë duke mbledhur informata për rrethanat e vrasjes së saj dhe se do të përcjellin hollësi më vonë. 26 vjecarja punonte si vullnetare për organizatën International Solidarity Movement. Ajo po merrte pjesë në një demonstratë javore kundër zgjerimit të vendbanimeve. Këto protesta kanë qenë të dhunshme në të kaluarën. Para një muaji, qytetari amerikan Amado Sison u qëllua në këmbë nga forcat izraelite, sic tha, duke tentuar të ikë nga gazi lotsjellës dhe të shtënat.Jonathan Pollak, një izraelit që po merrte pjesë në protestë gjithashtu, tha se kur u vra Eygi, ai kishte parë dy ushtarë izraelitë mbi një çati të një shtëpi duke ua drejtuar armët grupit të protestuesve dhe duke shtënë, ndërsa më pas e ka parë vajzën të shtrirë në tokë, pranë një peme, të mbuluar nga gjaku. Dy mjekë të zonës thanë se ajo u qëllua në kokë.