Izraeli ka vazhduar këtë mëngjes me bombardimet drejt Libanit Jugor, duke përfshirë një numër të madh vendesh. Forcat e Mbrojtjes të Izraelit (IDF) thonë se gjatë natës avionët e saj luftarakë goditën me saktësi ndërtesën e komunës Bint Jbeil në të cilën vepronin terroristët e Hezbollahut, së bashku me sasi të mëdha armësh të Hezbollahut të ruajtura në ndërtesë. “Si pjesë e sulmit, rreth 15 terroristë të Hezbollahut u eliminuan”, thotë IDF. Në përgjithësi, rreth 200 objektiva të Hezbollahut në Liban u goditën, duke përfshirë objektet e ruajtjes së armëve dhe pikat e vëzhgimit, thotë IDF. Izraeli u kundërpërgjigj me një ofensivë në Gazë. Deri më tani, si pasojë e luftës në Gazë janë vrarë më shumë se 41.000 palestinezë, sipas Ministrisë së Shëndetësisë atje. Mbi gjysma e viktimave ishin gra dhe fëmijë. Izraelitët pretendojnë se Mushtaha ishte një nga “operativët më të lartë” të Hamasit, dhe kishte një ndikim të drejtpërdrejtë në vendimet që kishin të bënin me vendndodhjen e luftëtarëve.