Një sulm i rëndë ka goditur Ukrainën lindore, duke lënë të paktën 17 persona të vdekur, përfshirë një fëmijë, ndërsa të paktën 32 të tjerë janë plagosur. Raketat ruse u hodhën një rajon në Donetsk, ku mbetën të shkatërruara ndërtesa, përfshirë tregun kryesor të zonës. Ekipet e kërkim-shpëtimit po vijojnë gërmimet për të gjetur personat e bllokuar nën rrënoja, numri i të cilëve nuk dihet ende. Presidenti i Ukrainës, Volodymyr Zelensky, e dënoi sulmin e rëndë, duke thënë se viktimat ishin njerëz “të cilët nuk kanë bërë asgjë të keqe”. Kryeministri Denys Shmygal konfirmoi numrin e viktimave, i cili ende nuk është përfundimtar. Pasojat e shpërthimeve janë të rënda, me ndërtesa të kthyera në gërmadha dhe dyqane të shkatërruara. Zjarri në atë zonë vijon të mbetet aktiv, ndërsa zjarrfikësit po punojnë për shuarjen. Ende nuk ka një reagim nga Rusia për përgjegjësinë e sulmit të ndodhur disa orë pas mbërritjes së përfaqësuesit të SHBA-së Antony Blinken në Ukrainë për diskutime dhe ndihma të reja. Ndërkohë edhe Odesa është goditur nga sulmet gjatë natës, duke vrarë një person. Pamjet: AFP