Ministria e Jashtme greke ngriti tonet, duke e quajtur lënien në burg të Fredi Belerit akt skandaloz. Sipas institucionit që përfaqëson diplomacinë e Greqisë, “Arrestimi i kandidatit për bashkinë e Himarës dy ditë përpara zgjedhjeve, nuk tregon shtet të së drejtës si dhe sjell përmbysjen e rregullave të barazisë në zgjedhjet lokale në Himarë, e cila konsiderohet prej tyre një qendër e rëndësishme e minoritetit etnik grek në Shqipëri. Po ashtu në reagimin e ministrisë së jashtëm greke thuhet se vendimi do të ketë impakt negativ në marrëdhëniet e Bashkimit Europian me Shqipërinë. “Vendime si i sotmi shkelin rregullat e mësipërme dhe tregojnë në realitet Shqipëria nuk po ndjek rrugën europiane" përfundon deklarata e ministrisë së jashtme greke. I menjëhershëm ka qenë reagimi i ministres së Punëve të Jashtme, Olta Xhaçka e cila thotë se askush nuk mund të kundërshtojë një vendim gjykate i bazuar në prova, referuar kështu rastit të Fredi Belerit, i përfshirë në aktivitet kriminal kundër zgjedhjeve.