Në mbyllje të vizitës zyrtare në Mal të Zi, Presidenti Bajram Begaj u prit në Ulqin nga drejtuesit vendorë, përfaqësues të forcave të ndryshime politike, aktivistë dhe qytetarë shqiptarë. Kreu i Shtetit Shqiptar çmoi kontributin e shqiptarëve në Ulqi, ndërsa foli për projektet që do ta fuqizojnë më shumë ekonomikisht këtë zonë. Sipas Presidentit të Republikës, ndërtimi i urës që do të lidhë Velipojën me Ulqinin do të shkurtojë ndjeshëm distancën dhe do të mundësojë krijimin e një boshti ekonomik, turistik dhe shoqëror Shkodër-Lezhë-Ulqin. “Kështu do të shkëmbehemi më shumë me njëri-tjetrin, do të komunikojmë më shpejt e më shumë, do të sjellim zhvillim ekonomik e prosperitet për qytetarët shqiptarë nga të dyja anët e kufirit”, tha Presidenti Begaj, i cili kërkoi intensifikim të bashkëpunimit për realizimin sa më shpejt të projekteve mes dy vendeve.